「呢個時間，我本來應該陪太太行緊山，或者飲緊茶。」上周末，陳光譽在中環寫字樓接受訪問，回顧一年來雷曼苦主的奮鬥史。這位帶領逾萬苦主上街討回血汗錢的大聯盟首領，不敢估計漫長的追討行動何時完結，只希望政府好好承擔責，還老百姓一個公道。
自去年9月雷曼爆煲之後，旅行社東主陳光譽變成傳媒焦點。頭髮斑白的他並非迷債受害人，但他的妻子買了44萬元雷曼迷債及精明債券，胞弟也買了150萬元股票掛鈎產品，感同身受。太太支持下，陳光譽決定號召全港苦主，代他們出頭，向銀行討回損失。
義工隊開解苦主
雷曼苦主大聯盟每月一次大遊行，每周一次小遊行；衝擊銀行，燭光集會。陳光譽卻非社運搞手，以前只曾參加過89年六四大遊行。他說，大聯盟組織鬆散，不似得行政會議集體負責，聯盟核心成員可以「講好咗唔做都得」。不過大聯盟又是個溫暖大家庭，同舟共濟：「我哋有支義工隊，由苦主組成，提供熱線輔導情緒有問題嘅苦主。佢哋仲叻過社工，好識講嘢開解苦主，有啲義工有晒fans，成日打電話來搵佢哋傾偈。」
曾蔭權應該道歉
團結並不容易，這一年來，大聯盟曾被分化，陳光譽也遭抹黑：「大聯盟包括一班非迷債成員，賠償機會相對較低。今年4、5月左右，突然有謠傳話我同民主黨夾埋，班非迷債苦主加入，壯大聲勢，銀行回購傾得成，就會掉低佢哋。搞到佢哋唔再同我哋一齊，自發行動，嗰次佢哋包圍禮賓府，事前我都唔知。」
外間盛傳陳光譽即將退出大聯盟，陳光譽也不諱言有意退下火線：「我都好想盡快卸下呢個擔子，重過正常生活，否則對我太太好唔公道。」聯盟弟兄卻無人願意接棒，陳光譽不敢估計還要戰鬥至何時。未來看不透，回顧過去，則感觸良多。第一個感觸是社會的膚淺：「香港人太匆忙，睇嘢流於表面，好似雷曼迷債咁，真係了解嘅人好少，包括傳媒在內，都唔係咁多人明白。」
這一年，投資者學會謹慎，不再輕信銀行的推銷。政府又學到甚麼呢？陳光譽說沒有：「政府當初批准呢啲產品喺銀行發售，出咗事又唔肯認錯。如果曾蔭權帶頭講聲對唔住，銀行都唔會企得咁硬，成件事嘅發展就唔同晒。」