讀過黃國英兄喺波經副刊一文，提及賭馬傳媒指數威力巨大，若評馬人集體睇錯重心馬匹嘅機會，致頭幾場爆冷，之後可繼續博冷。結果開鑼戰反大利熱門，大摩完成「帽子戲法」，與友好盡興而回；相反跟阿蔡配冠軍騎師韋達者，由頭輸到落尾。賭波則少用同日前段賽果去評估形勢，反而「易地」再戰，加上賠率偏冷，會令好些實力分子變得有值博率。今天主題，捧極頹嘅AC作客馬賽反底，下盤兼冷W齊投。
不同賽事唔同賭法
以足球計，換個形勢，唔同賽事，會有不同估計，莊家用聯賽態況去評定賠率，好易出現偏差；世界盃決賽周係一個好例子，若果齋睇11位耳熟能詳嘅球星，英格蘭咪應該好勁？㩒低賠率純屬捉賭仔越熱越買嘅心態。今天歐聯開打，睇番兩天賽事，莊家將名牌熱門隊嘅賠率㩒得頗低；我反想取偏鋒嘅AC米蘭。
聯賽不濟，唔代表歐聯唔掂，對手馬賽主場勁只屬法甲聯內，近兩季分組賽皆不入前兩名出唔到線，主場勝率俱是3成多；如今要讓歐聯決賽常客A米，就算續冇「儍佬」加度素壓陣，可靠歐聯揚名立萬嘅法米尼喺中場掃蕩番法兵，加上賠率偏冷，推介大家一博。再選一場，當然係季前已見勇態嘅祖記，又係對法甲兵，級數更有差別，單W不太乏味但穩。
（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二7AC米蘭(下)(1.8)
星期二5祖雲達斯勝(1.52)x星期二7AC米蘭勝(2.95)2x1
簡評：歐聯列強登場，今天我捧意大利球隊。