關心妍（Jade）為正生書院籌款的4場演唱會，前晚在灣仔伊館舉行最後一場，由杜麗莎擔任嘉賓，Jade在台上分享經歷時透露在加拿大讀書時曾因失戀而想食安眠藥自殺，幸好哥哥及時出現才令她打消念頭。當和杜麗莎合唱時，Jade又感動到眼濕濕。
「擔心佢嬲我」
事後訪問講到Jade日前暗寸楊千嬅甩底冇義氣，Jade表示：「我有同千嬅聯絡，佢冇誤會，我仲擔心佢會嬲我，其實係我唔啱。」完成演唱會後Jade開始籌備婚禮，她坦言未婚夫投訴她未有專心籌備，完成手頭約有一個星期的工作後，她便會全心準備。至於海外婚禮會否請圈中人？Jade說：「我只會請蔡一智，因為佢始終係媒人。之後會再返港開party，搞掂晒先去度蜜月。」
採訪、攝影：王連連