上周五道指微跌22點，市場焦點轉咗去黃金，金價再升破1000美元，個勢好靚，仍然係短線資金追捧嘅對象。
油價就先升後跌，不過向上嘅勢頭未改，等機會試衝75美元關口，破關前會喺65至75美元之間上落，若升破75美元，就睇82美元，可趁油價回吐收集啲油股C輪。
中石油C輪16098：中國石油（857）上周五報收9.17元，升1.4%。日線圖兩現陰燭之後再現陽燭，成交增加，10日線向上推進，加強向上嘅動力，股價有機上試10.40元，可以諗吓隻C輪16098。
隻輪現價15.5仙，2010年2月8日到期，行使價8.10元，溢價5.2%，引伸波幅40.9%，有效槓桿4.3倍，正股升上10.40元，16098睇25.3仙，正股跌穿8.73元，就沽咗隻輪止蝕。
俊樺