鄭融早前於商場出席活動，離開會場時疑被一男子胸襲。阿融昨日到太古城出席美食薈萃時透露案件已完結，她說：「前幾日我收到通知，件案已經完咗啦，因為對方有智障問題，所以上唔到庭，告唔到佢，成件事完咗啦。」問到阿融會否覺得起訴不到對方，心中感到不值？她說：「我覺得呢個社會入邊有智障人士，佢哋係需要照顧，咁我希望佢嘅屋企人多啲陪住佢，唔好等佢成日一個人。」
得閒會入廚
問到阿融日後會否多些參與義工活動探訪智障人士？她續說：「我未入行前喺學校都有做義工，都有探訪智障人士同老人家。」此外，阿融於活動上一展廚藝，當記者問她有否與緋聞男友莊冬昕在家煮飯仔？她說：「呢啲我唔講啦，總之我自己得閒會入廚啦。」
採訪、攝影：林妃