無綫新劇《女王辦公室》演員汪明荃、何韻詩和杜汶澤前晚到尖沙嘴出席煞科宴，阿姐透露稍後會到外地工作，返港後會出席國慶活動，她又指婚後第一個中秋節會留港度過，她說：「羅家英家去咗加拿大做大戲，返嚟就要忙搬屋，因為差唔多裝修完啦。」阿詩表示開始籌備演唱會，今次的服飾由張叔平負責，她說：「佢同我講啲衫冇得打底，可能會以神奇女俠造型出現。」
阿田儲錢生仔
此外，阿澤前晚帶同太太田蕊妮到場，穿上鬆身衫的阿田被懷疑有喜，阿澤即抵死地說：「如果經我手佢一定冇，唔知佢喺出邊搞乜，佢係時候減肥啦。」阿田打趣說：「我仲諗住下星期上深圳，不過真係過多幾年先生，我生咗就唔做，我怕我老公到時都唔做，所以家叫佢搵吓錢先。」
採訪、攝影：王崇穎