謝天華嘅太太李天恩（Tina）日前由老公拖手陪同出院，Tina入院惹嚟唔少揣測，兩夫妻日前早有準備咁澄清所有傳聞，仲喺記者面前表現得好恩愛㖭。
拒講王璐瑤
Tina休養咗幾日，謝天華噚日同農夫到鯉魚門廣場出席公開活動，天華戴住黑超着上老西，當大家以為佢呢個係Laughing哥look嘅時候，睇真啲見佢單手插褲袋，頭側側咁嘅樣，成個謝賢咁款。
謝天華再一次強調太太Tina現時嘅身體狀況絕對冇問題，仲話：「佢仲精神過我。」日內佢仲會同太太去馬爾代夫潛水旅行散心，但係Tina日前都係因為潛水後胃抽筋入院，天華笑笑口咁話：「我唔知佢幾時會胃抽筋o架，隨時復發都唔定，因為佢運動冇我咁多，今次去到嗰度大家都要互相照顧。」
講到天華同o靚模王璐瑤傳出緋聞後，王璐瑤被佢嘅經理人公司放棄，合約都終止咗，天華對此話：「已經交咗畀律師處理，唔會再評論。」