無綫節目《超級巨星》噚日喺將軍澳錄影，參賽者同藝人合唱，評判由陳潔靈、雷頌德、張敬軒、藍奕邦同王菀之擔任。參賽者劉威煌（中）夥MR.合唱《如果我是陳奕迅》，氣氛熱烈，王菀之仲猛讚，後來雖然因機件故障要重錄，但觀眾樂意再聽。張敬軒就同參賽者合唱《Blessing》，因佢係評判，佢表明唔會偏私，佢又話：「我喺內地做過類似評判，講嘢要小心，如果對方喺網絡人氣好強，你講錯嘢會俾網友圍攻。」