劉德華一直被指連累黎明和楊千嬅被揭秘密結婚，其中丁子高和楊千嬅被揭後大方承認更高調晒恩愛。但近日有報道指其實是千嬅先向記者報料才引起連環婚訊曝光，直指她是金手指。丁子高昨天出席活動被問到此事，他以無聊、冇point和無理來維護千嬅，力撐愛妻不會做出這種事。
丁子高為撐舊拍檔、VRF前成員Raul開設的時裝品牌，昨天在澳門趕到石澳出席派對，同場還有孫耀威、艾粒、吳日言及一班o靚模A.Lin、DaDa等人。最近有報道指一連串婚訊曝光，其實是千嬅刻意向記者透露婚訊，以致連其他藝人的婚訊逐一被揭發。
明年擺酒再造人
丁子高聽見傳聞即撐千嬅，很相信太太說：「非常無聊，唔會嘅，冇Point、冇理由會做呢件事。被發現呢件事（結婚）好突然，我覺得係兩個人嘅事，但牽涉咁多新聞出嚟。」他表示並沒有跟千嬅談論事情，他說：「冇需要傾，我哋唔講呢啲嘢。一直以嚟只係怕新聞會影響到佢，但係公佈咗個人輕鬆晒。」丁子高更否認千嬅懷孕，表示生育計劃留待明年補擺喜酒再打算。
近日被指鼻生瘤要退出樂壇的孫耀威，透露稍後做手術暫時不唱歌，他說：「其實唔係講到鼻有瘤咁嚴重，係聲帶長期勞損，會慣性爆血管，一爆就會流血，情況越來越惡化，醫生叫我全面休息。同埋拍《流浪漢世界盃》嗰段時間遇過車禍，鼻入面有個軟骨頂住鼻嘅肌肉，影響呼吸。醫生建議做手術，呢一、兩個星期就會做。所以噚晚做完《保良》騷之後，短期我唔會唱歌。」與環球唱片差不多滿約，孫耀威謂公司體諒，他說：「本來打算出國語碟，自己一手一腳做晒歌，但家要休息，公司好支持，話一路等我。」他更強調，只是暫時不唱歌，會做一些如拍劇、拍戲的工作。
A.Lin背心誘人
另外，吳日言和A.Lin等人穿上背心短裙，吸引現場男士目光，吳日言笑言：「估唔到睇我嘅人已經唔再年輕，升呢呀﹗其實佢哋係咪望住Freeze咋？」至於A.Lin和DaDa等也稱打扮不算性感，她們說：「沙灘嗰邊仲多人着比堅尼，嗰邊多嘢睇，我哋只係嘉賓所以唔會着泳衣。」
採訪：王連連
攝影：陳慧安
特稿
千嬅放料純屬老屈
「高楊戀」修成正果，千萬富婆楊千嬅與公關男友丁子高上月11日在賭城秘密結婚，不夠20日即被本報獨家踢爆。日前有報道指今次是千嬅放料，還說她向記者教路、指可以在內華達州那個公開網頁找到兩人結婚資料，目的是向全世界宣佈烈女終於嫁得出。
上述所謂「放料」之說，起承轉合各方回應齊全，但卻屬子虛烏有，皆因本報當日下午找到該公開網頁後，即搜尋劉德華與朱麗倩的婚書，並輸入不同藝人名字逐一搜尋，結果於晚上9時40分終於找到楊千嬅與丁子高的婚書，過程中本報並未接過楊千嬅所屬方面任何報料，謹此澄清，以正視聽。