昨日除郭富城和朱茵相聚成都國際賽車場外，同場還有陳小春、吳京和黃伊汶等，為今日舉行的壹基金慈善明星賽進行試車。
向錢嘉樂取經
首次參加賽車的陳小春，自爆已向經驗豐富的錢嘉樂取經，他說：「我叫嘉樂載我喺賽道兜咗一圈視察情況，主要係感受吓啲彎位先，仲要佢講吓要注意啲乜，試完車真係學到好多嘢。」不過小春強調不在意賽果，他說：「我志在參與，唔會搏命去到盡。」不知是為女友應采兒才特別錫身？
至於吳京為了摘冠，昨日試車時份外投入，他以普通話說：「為了爭取比賽的勝利，我今天很努力練習。」
此外，大會今日也邀請了袁詠儀（靚靚）負責帶領一班小朋友入場欣賞賽事，她昨日飛抵成都，問到她為何不出賽時，靚靚說：「我唔係好有信心，但帶小朋友入場睇比賽都係一個重任。」
採訪、攝影：曾小嘉