今屆港姐冠軍劉倩婷由參賽以來一直傳出不少負面新聞，最近又有人爆料指她在英國留學時曾向同性好友借了1,000英鎊（約1萬港元），最後不但借錢不還，而且更唱衰好友，最後兩人反面收場。昨日向劉倩婷求證此事時，她依舊滋油淡定否認傳聞，並表示因消息不是事實，故此不擔心有損港姐形象。
港姐冠軍劉倩婷由參選開始被爆出不少負面新聞，又被指是同性戀等，不過她一直不慌不忙地否認，見招拆招。昨日本報收到讀者報料指劉倩婷15歲到英國讀書時，曾向同性好友Emma借了1,000英鎊（約1萬港元），由於當時兩人感情相當要好，故此即使Emma戶口只有1,200英鎊，也把自己僅餘的存款借給劉倩婷，劉倩婷更答允Emma會盡快還錢，怎料最後劉倩婷不但借錢不還，更四圍唱衰Emma及否認借錢，結果兩人反面收場。
「轉校冇再聯絡」
昨日劉倩婷和港姐亞軍李姿敏及季軍熊穎詩，到奧海城出席健康展覽講座，當問到於英國留學時是否曾向Emma借錢不還，劉倩婷聞言滋油淡定地說：「冇咁嘅事，識我嘅人都知冇件咁嘅事，我係有個朋友叫Emma，係10幾歲英國留學時認識，但係我兩年後轉校之後再冇聯絡。」爆料人又指劉倩婷借錢為墮胎，她表示：「冇可能，咁細個，邊有咁嘅事，我都冇拍拖，點會有咁嘅事。」對於屢次有人報料爆出不少負面新聞，劉倩婷聲稱不擔心，因為根本不是事實。
熊穎詩孭袋呻攰
另外，活動上港大醫學院學生即場為李姿敏及熊穎詩做簡單身體檢查，其中兩人的血壓正常，熊穎詩表示自己每年皆做身體檢查，不過返港後可能經常要孭袋，故此經常覺得身體疲倦。而劉倩婷則聲稱自己健康不錯，反而擔心身形肥胖的細佬，希望他可以減少食肥膩食物，以改善健康。
採訪、攝影：卓寶花
