今日馬季開鑼，難得有人請食自助餐現場欣賞賽馬，當然飯應；一季入馬場只會係三數次，都係想見吓啲知己良朋，小注怡情。難得可離開充斥消毒劑嘅辦公室，入去沙田行轉吸吓新鮮空氣，呢啲就係喺屋企㩒電腦下注畀唔到嘅。重視今天賽馬日，波都只係玩票性質，決捧早過賽馬第一場開嘅日乙波，捧爭升班嘅湘南比馬，大炒衰過櫪木SC嘅FC橫濱。
賭波值博率遠不及賽馬，但點解唔止香港，全球嘅投注額都係足球有蓋賽馬之勢，皆因現代人嫌麻煩貪方便，賽馬無論營運成本或者鑽研所花嘅心力時間實在巨大，不過有時樂趣就喺呢度；賭入球大細，上下盤，有時都幾無癮，你估真係有咁多主客其他波膽中嘅咩？
橫濱仲魚腩過櫪木
既然今天心力放喺馬場，捧吓偶像大摩場；波希望早段已下一注免分心，難得見到日乙另一大魚腩、上周中剛喺護級大戰輸畀包尾櫪木SC嘅FC橫濱，波友真係不容錯過。相隔3天，橫濱又要作客，但對手大幅提升至排第3嘅湘南比馬，難逃作客7連敗咯。絕對唔擔心比馬主場喜小勝兼前兩仗曾被櫪木迫和嘅賽績，唞多對手幾日再戒輕敵，應可大勝一仗；真係要過關，博英超中部打吡，伯明翰受讓維拉，兄弟波，邊有得讓呀！
文：Leung
（下次見報日：周二）
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日1湘南比馬勝[-1](2.55)
星期日1湘南比馬勝(1.55)x星期日16伯明翰(下)(1.96)2x1
簡評：推介頭場，希望贏到馬本。