劉松仁、馬國明和梁靖琪等昨日現身將軍澳，為本月21日播映的無綫新劇《蔡鍔與小鳳仙》宣傳，女主角周海媚因身在北京未能參與，至於湯盈盈則因病缺席。
松哥月前被葉童指二人合拍無綫新劇《摘星之旅》時，每場戲都要帶領指導及意見多多，是個完美主義者，自己不習慣他的工作模式，暗寸松哥霸道。松哥昨日笑着回應說：「我一向有改（劇本），幾十年都有，梗係會調校吓，咁對演員嚟講會深入啲。其實自己幾時都係為個劇好，同對手多多少少都會溝通吓。」
「佢不知幾鍾意」
對於葉童聲稱堅拒順從松哥的意思，松哥反問：「點會？我點可以叫葉童堅持我嘅做法？我同佢合作過4部劇，喺台灣嗰陣我已經開始改（劇本），佢又點會唔適應？佢不知幾咁鍾意同我合作，中國人係鍾意講埋啲違背良心嘅說話。」
談到《蔡》劇完成多時卻延至本月底才播出，松哥說：「要配合呢個時候（接近國慶），因為呢部係有啲民族意識嘅故事，部劇好好睇，我有信心。」至於下月松哥則會到日本北海道參與無綫新劇演出。
採訪、攝影：何慧斯
