林敏驄前晚到電視城擔任《美女廚房》美少女廚神比賽的評判，一向口不擇言的他繼續大灑鹽花，不時爆肚玩不文，令一眾主持人要出言補鑊。
王喜似飲痰
當36號文紫玲邀請評判之一的王喜品嚐她所調校的雞尾酒，王喜說：「好似飲咗人哋一篤痰。」阿驄即說：「可能佢落咗啲精。」方力申立刻補鑊說：「係雞精。」及後23號王歌慧（Emily）邀請蘇民峰與她一同示範柔道，阿驄又突然從評判席走到Emily背後想攬她的腰肢。Emily立即走避，阿驄還說：「都唔係好啱位。」鄭中基即搶白說：「呢個係堅色魔嚟！」另外他於出場時，當然不會放過拖着美味天使的機會。
採訪：楊潔雯
攝影：仇志德