上期講到希望玉木宏再發圍，潮人戰友守丹即刻推介話玉木宏同山田孝之合演嘅電影《MW毒氣風暴》超正。呢套戲改編自「阿童木之父」日本漫畫家手塚治虫極具爭議嘅作品，充滿人性陰暗面，而玉木宏仲係做反派，同埋全裸演出！玉木宏喺戲中入形入格，但對於飾演改邪歸正神父嘅山田孝之，就有啲抗拒囉，因為佢有日本藝能界賤男之稱，而且總覺得佢喺套戲嘅造形，有啲似「黑仔」姜皓文！
講開發圍，我喺〈開倉版〉已連續3個L，今期推介洛杉磯銀河可以喺主場擊敗FC達拉斯。銀河上屆喺美職聯常規賽包尾，但今屆就唔同，只要喺周六擊敗達拉斯，就有機會做「1哥」，點會唔博？文：吾中
近5場往績：LLLWL
主客和：洛杉磯銀河勝
心得：銀河霉咗咁耐，今屆終於發圍