即將做新娘的關心妍（Jade）前晚為正生書院籌款舉行音樂會，之前有傳楊千嬅曾答允做嘉賓，但因正生爆出賬目不清而臨時縮沙，Jade被迫找其他歌手代替上陣。反觀梁詠琪（GiGi）則依舊演出撐場，Jade在台上公開讚GiGi不但有愛心更有義氣，擺明寸千嬅。
關心妍為正生書院舉行合共四場的籌款「ShingasStar妍亮生命音樂佈道會」，當晚捧場的有孫耀威、黎瑞恩、李卓庭和裕美等，而正生書院的校長陳兆卓及一班學生也有到場看騷，鄭秀文則送上花籃祝賀，至於Jade的未婚夫為避傳媒影相，據知一直留在後台。
GiGi只撐學生
當Jade介紹嘉賓梁詠琪時說：「喺呢個圈度好難識朋友，但係佢好有義氣好有愛心，佢係GiGi。」Jade的一番話擺明寸曾傳答允演出的楊千嬅，因正生爆出賬目不清的新聞而縮沙，而GiGi則笑說：「我知自己唔夠林以諾牧師講得好，但有一句說話我想同大家分享，係Wecannotalldogreatthings,butwecandosmallthingswithgreatlove.（我們不能做盡所有的大事，卻可用最大的愛心作每一件小事）」博得台下掌聲。
訪問時GiGi表示之前也有留意正生賬目不清的新聞，至於有否考慮縮沙，她說：「其實最重要係嚟支持班學生，我了解過啲善款係買物資畀學生。」若果善款直接給學校是否會想過不做？GiGi直言：「咁錢就可能係會冇咁清晰，總之學生受惠最重要。」談到Jade明寸千嬅縮沙不夠義氣，GiGi認為千嬅辭演必有其原因，她又表示未有見到Jade的未婚夫，不過仍替她結婚感到開心。
請學生遊樂園
至於公然寸千嬅，Jade說：「唔係，咁佢原本話係嚟，但佢星期六有兩個騷做，我身為藝人都明白好難推工作。千嬅有打電話嚟畀我打氣。」Jade透露由吳浩康頂替千嬅擔任今日日場的嘉賓。不過Jade直言單靠音樂會籌款是不足夠，故此她也有出碟籌款，Jade估計賣碟的善款不會多過10萬，故此她打算用這筆錢請正生學生去短途旅行或到主題公園遊玩，Jade表示今次籌得的善款會由她及林以諾牧師看管。
採訪：馬建華
攝影：黃文成、彭琮然
