古天樂、劉青雲和鄧麗欣（Stephy）合演的新戲《撲克王》，前晚在上環舉行煞科宴，原本出席名單上也有羅凱珊（Kama），但她臨時缺席，連工作人員也不知原因，未知會否與她近日被富家公子男友飛甩的傳聞有關。
臨場爆肚嚇窒
Stephy表示戲中與古仔對手戲較多，故比較熟落，不過其中有場戲要跟青雲交手，但因青雲突然爆肚，令她不知所措，結果NG第二次才成功。青雲對此說：「我第二次都係爆肚，但Stephy答得幾好幾自然，不慌不忙好冷靜喎。」
有傳古仔片酬500萬，廣告身價更高達1,200萬，成為隱形富豪，他笑說：「冇回應，我只係覺得近年可以儲到啲錢，但未到富豪，總之一家人夠用開心就得。」現時身家是否已足夠收山享福？他說：「只要我有能力就會繼續拍落去，唔會以錢嚟決定，係睇自己健康。」
採訪：魯萍
攝影：黃文成