早前o靚模氾濫，無綫總經理陳志雲曾表示要禁止賣弄性感的風氣，故下令嚴禁藝人過份性感。不過無綫節目《美女廚房》前晚舉行的美少女廚神爭霸戰，不少參賽者打扮性感，其中13號汪汪不但彎身煮餸露乳溝，還表演少林真功夫，技驚四座。
八位美少女廚神2號裴殷（A.Lin）、3號盧頌之（DaDa）、4號楊梓瑤、13號汪汪、23號王歌慧（Emily）、30號陳家穎、23號陳嘉寶（Anjaylia）、36號文紫玲，前晚到電視廣播城作賽。雖然陳志雲早前曾遏止o靚模歪風，聲稱不准o靚模亮相節目，但參賽者中A.Lin、DaDa以及Anjaylia都是o靚模，汪汪更以低胸裙上陣，她與陳家穎下廚時不停彎身露出乳溝，似乎沒有理會陳總的說話。
王歌慧登廚神寶座
當晚由蘇民峰、王喜以及林敏驄擔任評判，而八位美少女廚神就以淘汰賽形式決勝負，包括儀態、煮食常識、炮製食物的色香味，以及自選表演環節。當中有幾位美少女廚神表演魔術，不過最令人驚嘆的是曾於少林寺學了五年武功的汪汪，她在場不時凌空踢腿、金雞獨立以及拱橋。雖然汪汪落力演出，她最後屈居亞軍，敗於Emily手上，季軍則為DaDa。
胡心諾冇實力回歸
此外，問到三位主持方力申、梁漢文以及鄭中基，《美女廚房》會否添食？他們表示一切由高層決定。對於節目開始時小方曾被指向美少女廚神的胡心諾（Rainbow）索取電話，之後爆出他力追她的傳聞。前晚Rainbow未有入圍，問到小方是否鬆一口氣？他說：「我冇嘢喎，我哋好公正o架，有實力先有得返嚟。」
採訪：楊潔雯
攝影：仇志德