如果唔係儍得可愛嘅「沙皇」艾沙維硬要負傷為國踢周中對威爾斯嘅比賽，今場阿仙奴作客長勝軍曼城嘅勝出機會應該更高。
艾沙維呢類球員，世上難得，空有一身好武功但遲遲唔起步去西歐掘金，今年初幾艱辛平價投阿仙奴，嚟到先知稅重，人工冇咗一截；但係簽咗長約，又走近卅歲，冇得走。但係踢太公波，佢又鬼咁積極，未傷好就夾硬出場對三流球隊威爾斯。佢啲決定經常做錯，年紀唔細，真係戥佢擔心。
做人有野心，也要量力而為，做足準備。日聯愛隊川崎前鋒正向4冠王進發，唔好話佢哋頭大，因為部署早在去季做起，係時候發圍，今日榜首大戰鹿島鹿角受讓，必捧，向不可能任務繼續進發！文：蘋果波神
近5場往績：WLWWL
讓球主客和：川崎前鋒勝[+1]
心得：爭冠軍，無懸念