身在英國嘅老友向八方報料，話商務及經濟發展局駐倫敦經濟貿易辦事處招商寸土必爭，竟然去到英國侯城（Hull）搞研討會，吸引外資來港。八方唔多熟悉當地情況，只係知道英超有隊波叫侯城，呢隊老虎仔今季開咧表現麻麻，被人話係「降班膽」，相信一般香港人都唔多知道侯城呢處地方有乜嘢。
老友則形容侯城為「頹鎮」，所以本月中由香港駐倫敦經貿辦處長胡寶珠親自出馬去招商，令人好驚訝。據講呢個研討會主要介紹香港營商環境，推銷香港係進軍大陸踏腳石。香港喺吸引外資方面仲有幾多優勢見仁見智，老友卻對倫敦經貿辦大小通吃精神甚為折服。八方叫佢睇開啲，官員願意下鄉勞動，總好過紋風不動。