楊千嬅前晚在中環出席老公丁子高的公關公司負責的活動，但丁子高刻意避開妻子，轉去另一活動。無名指戴上鑽戒的千嬅紮紮跳，力證沒有懷孕，更大讚穿婚紗行騷的老闆娘樂基兒全場最靚。
早前被本報踢爆已婚的兩位新娘子丁太楊千嬅與黎太樂基兒，前晚在中環MaxMara時裝騷同場，樂基兒穿上婚紗壓軸行騷，楊千嬅坐在台下睇騷拍掌，大讚勁靚。問她誰人最靚？千嬅即爆笑地大賣口乖說：「梗係老細老婆啦！」
紮紮跳證沒有懷孕
左手無名指戴上鑽戒的千嬅紮紮跳，力證沒有懷孕，並自爆很想着婚紗，屬意一向合作開的TomasChan設計，記者提議她和黎明一同搞婚禮，她說：「唔敢多事，大人嘅嘢，細路仔唔問喇，搞掂自己先啦。」她謂要完成唱片及演唱會後，準備下年年尾才擺酒，問她會否退出娛樂圈，她說：「唔會退出，同未嫁前口號一樣：長做長有呀！」更明言婚後拍電影絕不會錫身，更接受親熱戲，她說：「導演要乜就乜，親熱戲都OK。」
前晚的活動正是千嬅老公丁子高的公司IPS負責，但丁子高卻避開嬌妻，轉去負責中環另一活動上海牌腕錶。千嬅直認工作各有各，不會優待老公，她笑說：「你睇我經理人雄赳赳咁企喺度，呢個世界好均真o架。」
另外，丁子高自爆患感冒致消瘦，他直認與千嬅相戀時因受外界壓力及負面批評，曾避走上海，但沒想過分手，反而互相支持，他說：「公開咗，成個人都輕鬆晒，比起之前真係好極端。我其實好努力工作，大家有眼見。」他謂稍後會進軍內地公關市場，或移居上海，但千嬅不會同行。
樂基兒設計鞋籌款
此外，樂基兒早前獲STACCATO邀請擔任宣傳片的女主角，她設計了其中一鞋款作籌款之用，將收入的百分之十撥捐「香港兒童癌病基金」。她於廣告中以10個造型示人，合共花了3日時間拍攝，每天拍攝16小時。
採訪：羅慧敏、張俊銘
攝影：陳慧安、張俊銘