人紅招是非的謝天華,昨日到醫院接太太李天恩(Tina)出院,兩人十指緊扣以示夫婦同心,並就近日傳聞回應,又透過律師行發出聲明,再次強調自己並沒有打妻。
謝天華昨日到養和醫院接太太Tina出院,下午約3時,兩人十指緊扣出來,Tina左手背還貼有膠布。他們早有準備接受訪問,並先由Tina發言說:「係自己大意,我去潛水又冇食嘢,仲飲咗檸檬茶,所以有啲頭暈,我喺的士度仲嘔,返屋企打畀天華,全身抽筋好辛苦,最後要call白車去醫院,醫生話我有啲發燒要留院,冇乜耐人尋味嘅事,識我哋嘅人都知天華唔會打老婆。」在旁的天華護妻心切,即說:「呢個玩笑開得太大同太過份。」
勸喻男藝人小心
天華又表示要奉勸男藝人小心,因為在公開場合與異性難免要影相,要保障自己就得避忌,他說:「一張相又冇激烈嘅嘢,我唔抹煞有啲人博宣傳,唔知乜嘢居心。」有指Tina送入院時,天華怒罵記者影相,Tina即說:「我唔覺得我先生態度唔好,我當時真係好辛苦,我都有起身鬧可唔可以唔好影相。」對於昨日有周刊稱有醫護人員爆料,指天華在白車上求妻不要爆被他毆打,天華對此強調若有夫妻間的失實報道,他們會採取法律行動。
昨晚天華返無綫商討應對之策,經研究後透過律師行發出聲明,就傳聞指他要求太太不要透露被打,以及有關太太自殺一事作出澄清,聲明內容指天華未有傷害太太。天華又接受《東張西望》訪問,在節目中他一再強調自己很錫太太。
此外,與天華蒲夜店上位的o靚模王璐瑤,她主演的獨立電影《明媚時光》本月24日上映,她在片中有露點演出,並與男演員有不少床戲,她昨日在電話中說:「我考慮咗好耐,覺得劇情需要,其實嗰幕得1分鐘,唔算好長。」對於今次露點演出,王璐瑤謂雙親並不知情,但她希望一脫成名。
採訪、攝影:黃曉程、葉雪、馬建華