零記Tee　港星煲紅港兄弟

不單止是自己友，從公關口中得悉，Ground-Zero話事人兩兄弟來港，傳媒之間即時起哄！咁又係，兩子處事低調（連說話聲音都低調），鮮有做訪問。既然今趟由英國回港現身說F/W，小記即時要好似搶佢哋批衫咁，落地即搶！

記者：吳美美
攝影：林栢鈞（styling）、陳陶鈞（interview）
Model︰Tina@Elite

aboutGround-Zero……

Ground-Zero是2003年由EriChu及PhilipChu兩兄弟創立的時裝品牌，二人中學時代便熱愛時裝，動手改造古董服裝，自行設計衣飾。Eri就讀於設計學院，主修平面設計，畢業後職於傳統裁縫店，掌握了剪裁和線條造型的竅門。Philip為圓他的時裝夢，捨棄工商管理而選修時裝管理。品牌意為「零變成甚麼都可以」，所以Ground-Zero不會區限於時裝品牌的小框框，而放眼於多線發展，包括平面美術、音樂、視像、藝術裝置等等。Ground-Zero最初只在D-mop寄賣，因大受歡迎現在HarveyNichols及連卡佛都有售賣。

■兩兄弟最欣賞Sammi的襯法，全因她本身就型！

■紙皮圖案有帽外套$4,490（a）、信用卡圖案白色Tee$990（a）、蝴蝶結頭飾（stylist'sown）

■白色蝙蝠袖有帽衫$1,050（b）、黑×黃色西瓜紋Leggings$690（b）

■哥哥Philip，是品牌發言人，但聲調特低。

■細佬Eri，訪問中多半沉默但帶有微笑。

兄弟賣衫一條龍

特別欣賞凡事親力親為的設計師，Ground-Zero（下稱︰GZ）必屬其一，由當年逐家逐戶拍門Sell衫，到現時LookBookStyling相依舊親自操刀，一條龍式服務，包保將自己意念直達目標觀眾。
大佬Philip、細佬Eri，搭膊頭互撐六年，大的發言，細的和應，9月到港正好Sell品牌F/W09，新一季以「Weneed...」為題，何解？「呢個系列就好似我哋去Supermarket，去搵我哋每日所需，但係裏面又無時裝，但對於某啲人嚟講，時裝係每日所需，所以就設計咗呢個系列出嚟。」所以系列中出現超級市場常客CreditCard與及BabyLotion作設計，非常貼題。

■這幾張官方發相，Styling都是由兩兄弟親自操刀，很Raw很型。

■留意信用卡圖案上的數字，原來印上了兩兄弟出生年月日！

出衫技癢再出碟

闊袍大袖兼鬼馬剪裁，GZ設計向來是Unisex（但有點兒偏女性）路線，未來有否想過分拆成男、女裝上市？「有咁諗過，但係我又想我哋的Collection無乜界線，唔想將時裝分得太清楚。」兩位份屬後生仔，想法自是古怪，當人人都買Tee送Totebag，佢哋就送自己編製的音樂CD一張，「其實做這個品牌之前，係想做作曲，家都有團火喺度，所以就同倫敦幾個朋友成立Ground-ZeroRecords，想每一季都出一批MusicTee，亦可以做埋自己嘅音樂。」由寫歌變賣衫，你話，人生幾多變，不過，兩子話愛音樂，小記更覺兩子愛買衫。哥哥自認細個已是FashionVictim，最記得當年見過Dsquared2有一件衫設計後面連住個袋，當堂驚訝兼記到家，建立個人品牌之心應是由當時萌芽。

■兩兄弟穿的Tee款都是FW09最代表性的設計。

Tee文化自成一路

眼前兩位都是YoungDesigner，發憤揚名的過程與其他設計師無異，就是如Model般逐家逐戶拍門Sell衫。但看在Philip眼裏，並不是辛酸史一部份，「你要得到一樣嘢，就要盡量去試，當然有人會等運到，但就要睇自己嘅決心。自己最難忘係要點樣去講，可能你已經講咗好多次，但每次Sell之前都要再諗，而自己經驗係好隨意問吓『有無興趣？』反而仲好。」GZ上位都幾靠賣Tee攻勢，時下部份So-Called設計師的，有很多都是在衫上寫幾句Slogan就當係設計，其實係無料，兩子又點睇這現象？「其實幾標誌到一種文化，就係So-CalledStreetFashion，但始終有佢哋嘅市場價值。」