劉嘉玲原本計劃完成手頭上的電影《狄仁傑之通天帝國》及《用心跳》後，開始與梁朝偉展開造人大計，但嘉玲前晚出席活動時，竟自爆又接了一部新片，但她笑謂可邊工作邊造人。席間嘉玲又大談她與偉仔多年相處之道，揚言兩人之間雖已沒激情，卻換來溫暖和關心。
劉嘉玲前晚一身性感晚裝，與狄波拉及其丈夫鬍鬚Kong、謝婷婷與男友安志杰、向華強太太陳嵐與向佐及其女友黃婉佩（Race）等，在灣仔君悅酒店出席「第五屆善學善行耀中華慈善晚宴」。嘉玲表示剛完成電影《狄仁傑之通天帝國》，她說：「雖然辛苦，但拍完呢套戲後，我工作態度改變咗，喺工作中搵到樂趣，識得去享受環境。最近我仲接咗部新戲，但詳情唔講得住。」
「唔想成日黐埋」
早前嘉玲透露拍完電影《狄仁傑》及關錦鵬執導的《用心跳》後，便開始造人大計，如今嘉玲再接新戲，豈非影響她與老公梁朝偉的造人大計？嘉玲反問：「做嘢唔可以生o架咩？如果有咗咪停（工作）囉，好彈性嘅。」嘉玲忙完一輪，早前練詠春斷手的偉仔，稍後也將為電影《一代宗師》開工，記者問嘉玲豈非不能趁自己休息時間跟偉仔共享二人世界？她說：「唔使成日黐埋一齊嘅，我哋去到另一個階段，雖然冇咗激情，但換嚟溫暖同關心，好似開工前會提大家小心。」
這邊廂嘉玲暢談與偉仔多年相處之道，那邊廂的婷婷也與安志杰人前狂晒甜蜜，不但全程十指緊扣，人前又攬又抱，就算暫時分開一下接受記者訪問，站在遠處的安志杰也要情深款款望實婷婷。
記者指婷婷和安志杰很纏綿，婷婷也直認不諱說：「係呀，冇見一日半日都好掛住大家。喺香港嚟講我哋係bestfriend。」講到安志杰視線離不開婷婷，婷婷笑說：「我都唔知點解，如果畀着我同朋友喺間房度，我都會覺得佢係最突出一個。」她透露安志杰一早過了母親拉姑這關，揚言安志杰前晚打扮全是拉姑包辦，又指拉姑肉緊到搣安志杰面珠錫錫。
向太告硬金毛飛
向太則被問到細仔向祐（原名向展凡）日前在赤柱涉嫌打架被捕一事，向太說：「有幾個金毛飛唔知飲醉酒定係乜嘢，問候我個仔阿媽，即係問候我。」向太聲稱是金毛飛出手在先，事件已交警方處理，她說：「警方唔告，我都告硬佢哋（金毛飛）。」
採訪：魯萍 攝影：林德雄