何超瓊前晚在時裝展上開腔大談賭王父親何鴻燊的近況，指他能進食及下床。何超瓊對疑似「五姨太」、看護鄧詠詩（Candy）的婚訊及擁有過億身家等，全程冷淡對待，反而祝福前夫許晉亨及李嘉欣赴美人工受孕。
法國名牌YvesSaintLaurent前晚在尖沙嘴舉行秋冬時裝展，吸引了何超瓊、袁詠儀、蘇永康、黃偉文、張天愛與羅素、葉梁美蘭和胡敏珊等捧場，開學月又遇上流感高峯期，袁詠儀都為兒子魔童大為緊張。
曾見過鄧詠詩
袁詠儀說：「啱啱最近佢嘅同學不斷打乞嚏，仲繼續返學，我即刻打電話投訴學校，我明白啲家長要返工，但唔係話冇理由咁任由個小朋友返學，咁會傳染同學呀。」她又謂不擔心惹其他家長反感，提到魔童返學，她謂沒特別報讀「雞精」面試班，她說：「唔想佢咁老積，由得佢面試亂咁答，人哋問佢爹哋媽咪做乜工作，佢話冇嘢做。」
賭王何鴻燊跌倒入院做大手術，在港安醫院深切治療部留院至今第45天，何超瓊前晚在YSL時裝展上透露賭王可以閱報，問她有否將疑似「五姨太」鄧詠詩的報道給賭王看？她說：「冇畀佢睇，佢冇咁要求喎。」看護一年有一億收入，問她有否為賭王查數？她說：「我唔負責佢財產問題。」
超瓊又謂曾見過看護鄧詠詩，但沒聽聞她和賭王關係有變，但她如常祝福鄧詠詩結婚，她說：「我唔理解人哋家庭狀況同背景，同我冇直接關係，我同佢唔熟，應該唔會請我飲。」反而提到前夫許晉亨和李嘉欣有傳將到美國人工受孕，超瓊即說：「佢哋更加要祝福。」
超儀零食探病
港安醫院方面，賭王幾房姨太及女兒如常出入探望，超瓊透露賭王可以進食及傾偈，昨日所見，二姨太藍瓊纓助手拿了兩袋物件，超儀又帶了一袋么鳳零食到醫院探病。
採訪：RitaLeung、RachelWong、EddieWong
攝影：EdwardChou
