香港電視專業人員協會會長徐小明、副會長林旭華及亞視外判劇《法網群英》製片夏澤信同幾個幕後人員，就鄧特希（小圖）錢銀轇轕喺尖沙嘴開記者會。夏澤信仲抬咗成箱單據出嚟，話入面係部劇500幾萬雜費單據，仲話已經正式發律師信向鄧特希追9萬欠款。至於徐小明話協會係做協調角色，希望搵到鄧特希出嚟解決件事。