AC米蘭上月尾喺打吡戰吞國米4蛋後,話就話會方力撐教練李安納度,但西班牙傳媒有另一個版本。《阿斯報》話AC日前搵人打電話向拉莫斯探口風,問佢有冇興趣教;而拉莫斯喺上季教皇馬之後一直冇嘢撈,個答案當然好正面。如果係真,李安納度呢個帥哥就要變「短命教練」;不過總有人雪中送炭,AC名宿雲巴士頓就話球隊唔肯花錢擴軍,同國米、祖記今夏擴軍規模冇得比,冇理由搵李帥做代罪羔羊!