中環戲院里幾位擦鞋匠伯伯命運係點今日揭盅。中西區區議會今日召開特別會議，聽取食環署滙報陸海通大廈、德成大廈發展商嘅反對意見，然後決議係咪支持發牌。有份協助擦鞋匠嘅陳淑莊話，署方接納當初反對聲音最大嘅陸海通意見，將擦鞋匠檔口移開啲，讓路畀落成新廈嘅緊急通道，但因為移近咗德成大廈嗰邊，又引起佢哋不滿。但無論如何，大部份區議員都支持發牌，預料多數通過。
至於近日頻頻探班嘅甘威，驚見地面多咗條大裂紋，懷疑係陸海通重建工程造成，佢擔心有人在此PK，要求路政署同屋宇署處理。部門派員視察後認為或係鋪電纜工程造成，即時重鋪地面。