一年一度「公益服飾日」就快又嚟，噚日公益金喺恒生銀行（011）中環總部博愛堂搞咗個開展儀式，今年口號係「全城顯特『飾』，齊心為公益」，不過，主禮嘅一班達官貴人，只得身兼公益金籌募委員會主席嘅恒生副董事長梁高美懿件彩衣比較「出色」，個個好似冇響應大會呼籲，所以成功俾一班來自啟思小學附屬幼稚園、負責行「貓步」嘅小朋友搶晒鏡！
講番個善舉，大家只要捐60蚊，就可以喺國慶前夕參加呢個咁有意義嘅活動，而學生捐款更不設最低消費，而善款會全數撥去資助提供「家庭及兒童福利服務」、「就業支援服務」、「輔導服務」及「露宿者及籠屋居民服務」的會員社會福利機構，貫徹公益金「香港人幫香港人」嘅宗旨！