林一峰和林二汶的兄妹檔演唱會下月開騷，前晚兩人率先在尖沙嘴舉行歌迷聚會及進行預演，讓fans先睹為快，他們的父母也有到場打氣。
為了以最佳狀態演出，林一峰近日學打泰拳，卻遺失重要物品，他說：「我好大意唔見咗隻白金戒指，隻戒指係我哋成家嘅信物，每人有一隻，上面有名同出生日期，如果執到嘅朋友，我請佢免費一世睇我哋嘅演唱會，係VIP，坐上台都冇問題。」
唔敢以身相許
若好心人是其傾慕者，林一峰可會考慮以身相許？他笑說：「請佢嚟睇咗演唱會先，感情呢啲嘢講唔定。」問他們會否請近日被踢爆結婚的好友楊千嬅看騷，兩人表示會恭喜她，笑說希望她分些福氣給他們。
採訪、攝影：馬建華