日前踢爆謝天華夜場媾女屎橋、又展示兩人貼頭合照的o靚模王璐瑤（Louise），經常在網誌大晒自拍照，在其私相簿中更有與鄧肇堅曾孫鄧程澧（Timothy）的貼頭合照，其中一張更是疑似家居照片，兩人關係非比尋常。
與鄧程澧熟絡
Louise昨日在電話中表示，與Timothy的照片是她5月20歲生日派對上攝的，並非家居照，是在一間酒吧K房所攝，她昨日說：「我同佢係朋友，唔係男女朋友。」Timothy愛與圈中人交往，家住4,500萬元舊山頂道豪宅的他，甘做藝人的保母車司機來接近明星，他去年曾與日模椋名凜傳緋聞。
另一方面，對於有指天華的太太Tina前日突然入院是與Louise有關，她說：「件事唔係因我而起，與我無關，我希望Laughing嫂快啲好番，我只係欣賞Laughing哥，我係佢fans，啲相係想同大家分享吓，我同偶像影相冇乜問題。」對於天華暗示指有人放料做新聞，Louise即說：「我冇放料，我唔知影相都搞到咁大件事，以後會小心啲。」至於Louise早前接拍了三級片《明媚時光》，該片本月底上映，有指她會露點演出，但據其經理人稱，片中她沒有露點。採訪：林妃