【綜合美國外電】莎蓮娜誓重奪「1姐」寶座！2號種籽美國球手莎蓮娜於周四的美網女單4強，將面對16強淘汰姐姐威廉絲的前「1姐」比利時球手史施達絲，故她誓必施展渾身解數為姐姐「復仇」！（now636台今日11:00pm起直播）
衞冕的莎蓮娜周二在美網8強以6:4、6:3輕取意大利的彭妮達，她全場第1發球得勝率高達86%，使彭妮達無力招架；莎蓮娜在4強一戰亦將盡力迎戰，因為美網官方網周二表示，如莎蓮娜順利奪冠，將可升上「1姐」之位，還卻今年連奪澳網及溫網錦標亦無法坐上「1姐」寶座的心願，故她今仗勢必戰意十足。
史施達絲驚訝入4強
26歲的史施達絲則仍身處於復出的「蜜月期」，雖則她為結婚產女休戰超過兩年；但在8強戰僅以63分鐘解決首次打入美網8強的中國球手李娜；而因為李娜全場犯下41次無壓力失誤，史施達絲可算是兵不血刃獲勝。
史施達絲賽後表示：「我很驚訝自己竟然還能身處4強呢！」且看以輕鬆心態迎戰的史施達絲，能否擊敗戰意旺盛的莎蓮娜。
《花絮》
拿度遭狂迷啜爆
西班牙球手拿度喺反勝法國嘅莫菲斯之後，出現咗一段小插曲，就係突然有個觀眾衝咗入場，錫咗拿度一啖（圖）；工作人員見狀梗係嗱嗱臨拉走狂徒，之後嗰位仁兄仲俾警察以擾亂球賽秩序理由拉咗。無奈被吻嘅拿度亦好有風度，話呢位球迷都係太熱情，先至想錫佢，仲爆料話狂徒錫佢之前仲用英語同佢講咗句「我愛你！」今次亦係繼法網冠軍戰後，第2次有狂迷成功衝入球場，美網發言人話會檢討球場安全問題；好彩今次只係索吻，如果佢持刀衝入球場嘅話仲得了！
網球搞明星賽？
網球都搞明星賽？ATP嘅新任CEO希菲特星期二話為咗要令網球手同球迷有更多互動嘅機會，計劃喺明年嘅印第安韋爾斯網球賽前，舉辦一啲技術挑戰賽、球員名人雙打賽等節目，家仲搵緊電視轉播，如果真係成事的話，我哋做球迷嘅就真係有眼福囉！
羅拉笠臣有睇頭
梅禮無端端喺美網16強止步，搞到唔少英國球迷非常失望，之不過要支持英國球手又唔一定只局限喺男單，好似15歲嘅英國少女羅拉笠臣，就喺美網少年組打入第3圈，睇吓佢可唔可以繼去年贏咗溫網少年組冠軍後，再下一城喇！