憑劇集《學警狙擊》而升呢的Laughing哥謝天華，正是樹大招風，o靚模王璐瑤（Louise）指天華在夜店向她搭訕，湊巧天華嫂李天恩（Tina）前日突然入院，令事件引起猜疑，天華稱與太太感情要好，Tina則稱不介意老公夜蒲，但介意傳她自殺。
前日有雜誌指三級o靚模王璐瑤自爆在夜店被謝天華媾的經過，又展示二人的頭貼頭合照，湊巧天華太太李天恩前日突然入醫，引起不少傳聞，但天華已全部否認。
指有人博宣傳
天華昨午由跑馬地寓所步行到養和醫院，逗留約4小時才離去，他對記者說：「本來老婆都可以出院，不過我想安全啲留多一晚，其實佢係胃抽筋加上有感冒，呢幾日都放假陪佢。」對於有傳太太自殺，他說：「首先只係揣測，有證據咪攞出嚟，話我打太太對我好大影響。件事好簡單，我只係陪太太去醫院，好在公司人支持同信我。」
天華強調與太太的感情完全沒有問題，對於指他在夜店與王璐瑤的一張貼頭相被登出來，以後可會減少去蒲夜店？他說：「我諗唔會完全唔出街，唔通以後唔出嚟呀，不過以後影相就小心啲。」至於這張碰頭相片，天華認為只是時間太過相近，才令人引起聯想，問是否覺得有人借他宣傳？他說：「都唔係第一次啦。」
昨日有記者致電天華嫂，她表示要澄清兩點，她說：「呢件事唔想亂講，我好介意傳自殺同天華打太太，識我嘅人就知我唔會咁做。傳自殺好影響人，會令人擔心，我啲客戶都擔心。」至於傳天華去夜店獵艷，她說：「我唔care呢樣嘢，但係介意話天華打太太，咁對佢工作好影響。」
潛水教練致歉
天華昨日除了去醫院，又接受商台節目電話訪問，他解釋太太入院的原因：「佢一早去西貢考潛水牌，但又冇食嘢就落水，之後考完上車回程時就有啲暈浪，胃又唔舒服，坐車返到屋企我見佢唔對路就call咗救傷車送佢去醫院。」當問他是否有意追求與他頭貼頭影相的王璐瑤，天華即哈哈大笑說：「我家一日出街影十幾張呢啲相，問題係佢影完張相有另一意圖，利用張相造新聞。」對於前日在醫院面對記者表現不悅，天華表示因為覺得記者沒有了解他擔心太太病情的感受，他透露太太的潛水教練也致電向他致歉，表示沒有即時送他太太入院而引來揣測。
採訪、攝影：黃曉程、李全、李珮洳