明年2010年10月10日，代表了「十全十美」，商台DJ朱薰（圖）選擇了當日出嫁，做一個十全十美的新娘子。她昨日接受訪問時笑得天花亂墜：「101010呢個日子又特別又易記，大家都會記得我呢日結婚。」
去年中已訂酒店
不說不知，挑選那日結婚的，原來不是朱薰，而是她心細如塵的男友阿榮（樂隊Mr.成員阿Dash的孖生兄弟），「我完全冇諗過話搵乜嘢特別日子，有一日男友同我話，揀咗2010年10月10日結婚。我冇諗過佢咁細心，好開心。」
朱薰表示，定了結婚日子後，去年中旬開始尋找結婚場地，才發覺不少準新人也選擇在那日拉埋天窗，「嗰陣距離結婚日子仲有兩年幾，我哋最初仲係懶懶閒咁搵酒店，點知問多幾問，先知好多人爭。酒店話冇問題就快啲落定，我哋咪即刻畀錢囉。」
她初步計劃選擇監禮人服務，聘用律師到酒店主持婚禮，「呢一日都已經係十全十美，屆時唔會再搞特別節目。」101010這個特別日子結婚，她與另一半固然一生一世也記得，相信親友亦不會忘記。
本報記者