六四20周年港人份外慷慨,支聯會今年單在燭光集會已籌到逾200萬元,其他在維園籌款團體都大豐收。支聯會主席華叔噚日接受卿姐網上節目訪問時披露,好多團體今年冇「交數」畀支聯會。
原來支聯會同其他民間團體素來有不成文君子協定,民間團體在燭光集會籌款,不得在默哀時嗌咪,亦要留番啲位置供支記擺攤位,同時將籌得款項「上繳」一成畀支聯會作集會經費。然而今年好多團體至今未交數,華叔冇公開追數,卿姐反而比較肉緊,提醒各團體咪走數。華叔又話今年有個教師承諾捐10萬蚊畀支聯會,另有人將一袋現金20萬元交畀華叔,咁支持民運令人感動。