好多人都鍾意喺維基百科搵資料，不過維基裏面啲內容幾乎係人都改得，信者隨時中招，前學運領袖王丹都係苦主。
八方噚日上facebook，見到王丹喺近況一欄大鬧維基百科完全唔具備任何可信度，好多內容係謠言，例如佢明明係憑好成績考入北大，維基就話佢獲保送入讀；又指佢唔鍾意高等數學呢科必修科，所以轉讀歷史系，最令佢嬲嘅係話佢「成績平平」。
王丹話自己冇時間上維基改正，所以將一份自撰簡歷上網澄清，又呼籲網友粉絲們幫佢到維基更正資料，不出10幾分鐘已經有人回應，仲好有效率咁將維基錯誤資料修正。據講維基關於王丹資料嘅錯誤唔算嚴重，有網友話內地google同埋百度搜尋王丹嘅資料，全部都係惡意造謠嘅訊息，仲得人驚呀！