上輪國際賽有運貼士全中，伊巴復現鬥心建奇功，賓特拿鋒芒蓋C朗。個人認為成大事，首重鬥心唔怕蝕底，鬥心可成為抗體，成爭勝主要動力；呢輪國際賽貼近周末聯賽加下周中歐聯，球星戰意打了個大問號，無論揀睇同揀賭都要睇真啲。有場波唔怕捱夜應幾好睇幾好賭，法國大戰當前，出現內訌，決捧主場嘅塞爾維亞，打低這個足球老字號，首名出線決賽周。
送杜明尼治一程
近期貼士極勇嘅同事牽牛兄情傾法國，係為咗球王施丹；小弟當然為咗近十多年成為法國最強大外流力量嘅阿仙奴關係，不過踢波搵食，講感情不合世情；後生一輩天天對住個電腦多用facebook用twitter，人際關係冷漠，韋拉、亨利同皮利斯，都算喺阿仙奴立過唔少汗馬功勞後離隊；不過賭波講感情，幾副身家唔夠輸，家嘅法國隊真係無謂憧憬嘞。睇見主帥杜明尼治就唔開胃，能夠喺上屆世盃殺入決賽保住烏紗至今，有符碌成份；亨利大戰塞軍前，以大佬身份當面直斥杜帥唔知教乜，我信有其事，也大快人心；不過法國近績平庸，作客冇必勝塞軍嘅決心同能力，眾戰將都係送杜帥一程好過咯。
塞軍主場勢勁，上下已視今仗為該國史上最重要足球戰役，平手高水可捧；波膽串瑞典贏馬耳他，前者務必盡數日後計得失球，今場唔會揸流攤。（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三27塞爾維亞（平）（2.06）
星期三6瑞典勝3:0（5.8）、4:1（18）x
星期三27塞爾維亞勝2:1（11）、3:1（29）2x3
簡評：今輪國際賽有暗湧，有冷門心水不妨冒進啲。