鄧麗欣（Stephy）上月20日確診豬流感，她自我隔離9日後，上月29日到佛山會歌迷，昨日她正式在港復工，跟緋聞男友方力申在中環拍MV。小方笑稱因Stephy有抗體，故此現在咀她最安全。小方日前坦言會為保愛情而講大話，問Stephy有否為另一半講大話？她未有否認，更表示要給大家想像空間。
鄧麗欣和助手早前相繼中招患上豬流感，經過自我隔離後，早前Stephy已返內地工作，昨日她正式在港復工，和緋聞男友方力申為新歌《七年》於中環拍MV，而中招的助手康復後也開工陪伴Stephy左右。
同助手去捐血
Stephy坦言初初康復工作時，有點擔心其他人會避開她，但現已消除憂慮，對於無綫有助導中招惹恐慌，Stephy也略有所聞，她透露下星期會去將軍澳電視廣播城工作，她說：「我好番之後有抗體，所以我同助手應去捐血，其實大家唔使太擔心，唔係咁恐怖。」對於當日發燒未有戴口罩被轟冇公德，Stephy強調因病發突然才如此，總之大家無事便放心。她又表示因患病推工作而損失六位數字。
日前小方坦言為保護愛情寧願講大話，Stephy贊同說：「感情係兩個人嘅事，如果另一半唔想講，我都會隱瞞。」問她會否為愛情做大話精？她沒有否認說：「我唔想講太多感情事，唔想公開。」是否和小方正在講同一個大話？Stephy不置可否說：「今日唔講呢啲，大家唔好以大話嚟形容，只係一個處理手法，我只係想保持想像空間。」擺明繼續故弄玄虛不想坦白。
問到小方在MV中和Stephy有沒有接吻？他笑說：「冇呀，唔想尷尬所以唔好，不過唔係怕豬流感，Stephy家係最安全錫嘅人。」今日小方要到電視城錄影，他表示不太擔心染豬流感。
樓上突然倒水
之後Stephy接受電子傳媒訪問時，樓上突然先後兩次倒水，幸她和小方等人未有中招，Stephy相信只是惡作劇。
採訪：馬建華 攝影：陳順禎