上禮拜五花旗股市造好，噚日亞洲股市普遍上升，港股可以延續升勢，不過，成交就跌番落640億元樓下，動力唔多夠。
噚晚花旗股市假期休市，今朝港股都係要睇A股點走。恒指升破20日線，H指同紅籌指數亦分別升到保歷加通道頂同中軸嘅阻力位，地產指數同H股金融指數上破短線阻力位，即係話想知後市點走，就要睇實呢兩瓣股票。
新地C輪17811：新鴻基地產（016）昨收111元，升1.9%，料上試115元，破位睇125元，可以諗吓隻C輪17811。
隻輪現價16.7仙，2010年9月29日到期，行使價120元，溢價23.1%，引伸波幅45.7%，有效槓桿3.4倍，正股升上125元，17811睇24.7仙，正股跌穿104元，就沽咗隻輪止蝕。
俊樺