徐濠縈和陳奕迅（Eason）的婚變傳聞越傳越盛，近日甚至有傳兩人已去到分居地步，阿徐前日已率先否認。前晚份屬Eason夫妻好友的黃偉文（Wyman）到金鐘出席活動，談到好友分居，Wyman代為否認，指兩人一向並非糖黐豆，各有各空間，Wyman又稱Eason雖然不時曳曳，但為人很有分寸，絕對不會胡亂出軌。
自從陳奕迅和謝安琪（Kay）傳出緋聞後，新聞一直沒完沒了，近日更有傳Eason和老婆阿徐分居，雖然阿徐接受電話訪問已率先作出否認，但傳聞仍未平息。
「對佢兩個有信心」
前晚份屬Eason和阿徐好友的黃偉文到金鐘出席雜誌《號外》33周年派對，被問到有傳兩人已分居，Wyman代好友澄清說：「佢兩個冇事，如果連我都呃到就好勁，我同阿徐乜嘢都講得，話佢同Edison（陳冠希）去日本激Eason，點解唔話我同佢去呢？」至於是否相信Eason的緋聞？Wyman表示：「我同Eason熟過同Kay，Eason份人好似好癲，但其實佢好有分寸，佢只係假癲。」
Wyman眼中Eason是否乖仔一名？他笑稱：「我唔敢講，但佢絕對知道乜嘢事可以曳，乜嘢唔可以曳，我對佢兩個有信心。」Wyman指自己是他們結婚生BB的目擊證人，他們有自己的生活方式，並非經常都糖黐豆般出雙入對，各自有生活空間，Wyman強調不覺兩人有異樣。
同場出席的還有張家輝、陳啟泰、Rosemary和向華強夫婦等，張家輝談到當日拍攝的電影《紅河》成為韓國忠武路國際電影節的「最佳電影」，他表示很開心，另外《紅河》和《證人》同樣向台灣金馬獎報名參賽，他表示不會擔心分薄得獎機會。
張繼聰討厭騷擾
張繼聰與楊琤昨日隨樂施會出發到印度進行探訪工作，對於太太謝安琪與Eason早前傳緋聞，及Eason和徐濠縈分居，張繼聰對此說：「我同太太決定咗唔再回應，我哋兩個家庭都咁好，又有小朋友，咁樣騷擾法係唔啱。」
問張繼聰會否擔心兒子問起事件？他說：「我個仔見到爸爸媽媽生活得咁開心，點會問呢啲嘢？」
採訪：張俊銘、魯萍
攝影：仇志德、魯萍
