有時創作嘅嘢，真係觀點與角度。好似大玩本土文化嘅家品店「住好啲」(G.O.D)最近推出八款臀部造型嘅月餅，一字排開放喺店舖櫥窗向途人賣「籮」。但就引起個別市民反感，讀者Frankie話，日日行經佢哋喺中環荷李活道嘅分店，見到一個個八月十五好核突，仲認為有違反淫褻及不雅物品管制條例之嫌。
住好啲老闆楊志超解釋，舊年出過四款patpat月餅，好受歡迎，今年咪出夠八款，都係想突破吓傳統，搞笑、幽默一番，又冇露出任何性器官，「其中有款叫不求人，之前被人投訴話有一隻手指好似插入patpat，我哋即刻改，家五隻手指都見到晒。」