薛凱琪（Fiona）、周麗淇、華娃昨日到藍田保良局劉陳小寶長者中心探訪長者，跟一班長者練習太極又到社區飯堂為他們安排午膳。近日藝人講大話否認結婚不停被踢爆，Fiona之前出席公開場合眼紅紅，被指是為了失戀而喊到眼腫，她否認說：「冇，我入行盡量都唔講大話，人生都有機會講大話，你問我我會話有，但係感情方面我就冇講過大話，我冇同過房祖名拍拖，方大同都冇。」
周麗淇勿談情事
前日方力申又直認自己曾為戀情講大話，周麗淇說：「識方力申咁耐都唔知佢講乜嘢！我自己就冇乜嘢唔可以講，私人嘢唔想講就會刻意唔講，耍吓太極，唔講唔算講大話，其實最初入行公司都會叫唔好提感情事，所以唔會刻意講，咁大家見到就見到，我唔會否認又唔會承認。」華娃表示上一輩的藝人都喜歡收起感情事，她說：「以前歌迷唔鍾意偶像結婚，不過家唔同，好開放。」
採訪：攝影：楊潔雯