陳柏宇同戴夢夢噚日喺會展為鐘錶展做表演嘉賓，陳柏宇緋聞女友裕美被指遭經理人公司解約，陳柏宇話擔心佢，但又幫唔到手，因為佢連自己都養唔掂，之前陳柏宇俾人影到喺屋企食煙，佢話：「都戒唔到，唔想冇誠信，戒唔到好多因由，或者政府可以將食煙當係犯法，或者當煙係毒品，咁我應該可以。」