上周筆者謂19269是關鍵位，相信沒有甚麼人認同，但說也奇怪，關鍵位就是關鍵位，上周五下午突然傳出內地放寬QFII投資上限，刺激期指在短短7分鐘內升了超過500點，收市時更升至20400水平，單日就升了809點，港股似乎暫時脫離了危險水平。
今次將QFII的投資限額由8億美元提高至10億美元，目前內地共有86家機構有QFII資格，即相當於為A股帶來170億美元資金，即約1180億元人民幣，而且QFII多為中長線資本，可對A股產生支持作用，被認為是中央又一托市之舉，而且中央一直致力增加人民幣的境內外流動，有分析認為放寬QFII，吸引外資規範化地流入內地之後，不久將來便會加大「北水南調」力度，故放寬QDII雖只對A股有利好作用，但投資者亦同時憧憬中央有進一步行動。
績優股勝炒作股
今次放寬QFII的限額，雖然只為市場帶來約1000億元人民幣左右資金，A股市場容量比港股大，此數目放諸A股，影響力相對降低，表面上心理作用居多，但係A股市場就係要猜測上大人的心理，動態微調之後，大家都認為中央救經濟唔救股市，所以這一舉動引來投資者的不同惴測，甚至估計股市創新高可期，筆者暫時唔夠膽妄加評論，但士佳講過，風險是升出來的，而機會是跌出來的，當日下跌之時，筆者唔係好擔心，因為理應有反彈，現在反彈了1000多點，ADR亦看漲，估計今日大市仍有些微後勁，投資者反而應該好好檢討自己的組合，若之前做孖展做過龍，去到19300已腳震震，今天正是機會減持，重整裝備再出發，筆者並非睇淡，但無論幾時都唔應該做過龍，情願留着注碼，待跌至關鍵位之時再加注，以小博大，止蝕位又近，若股市平地一聲雷，從此上升，賺少咗亦好平常，好過被迫止蝕。
在上周四19700水平，筆者已將在19300-19400水平買入的貨平了一半，今日會將另外一半套利，至於舊貨就仍然持有，再伺機換馬至其他個股，因為明顯見到基金經理開始擇肥而噬，暫時只買有業績支持的個股，炒作股只是陪跑，讀者亦係自己的基金經理，若組合內的個股下跌時防守力唔夠強，升時又唔夠別的升得多，就應該考慮換馬。
張士佳
華富嘉洛證券投資服務部董事