吳浩康（Deep）和莊思敏前晚在九展為婚紗活動擔任揭幕嘉賓，兩人穿起禮服由名貴房車接載到場，十足真正新人行禮。今次已是Deep和莊思敏第二次着禮服拍拖搵真銀，問穿得太多婚紗會否生厭？兩人異口同聲表示不會，莊思敏更表示每次着婚紗都有喜悅感覺。
婚書好神聖
Deep則坦言目前仍未有結婚計劃，他說：「我未夠錢，自己都未ready，我唔想娶得寒酸，人哋又嫁得寒酸。」會否秘密結婚？他們坦言不會，莊思敏笑說：「家喺拉斯維加斯同香港都冇分別，最好去上網搵唔到嘅地方。」Deep表示由小至大都覺得結婚是開心事，還笑稱：「我鍾意鋪張，佢鍾意浮誇。」談到劉德華當年和喻可欣拍拖曾簽下婚書，兩人又有否做任何承諾？Deep說：「冇呀，呢啲嘢唔係玩，係好神聖。」
採訪、攝影：何慧斯