窩輪搏擊:中移看升敲16924 - 俊樺

窩輪搏擊:中移看升敲16924 - 俊樺

上禮拜五港股大挾淡倉,恒指大升556點,重越20300關,企於20日線水平收市。
上周五午市傳出中央放寬QFII申請額度,港股借勢掃高,但以上升嘅幅度嚟睇,似乎過咗火,應該係挾淡倉嘅結果,港股升咗咁多,花旗股市上升未必可以帶來太大刺激,慎防今日港股出現先高後低嘅走勢。
中移動C輪16924:中國移動(941)上周五報收77.55元,升3.2%。股價由250日線反彈上嚟,成交好大,升勢有力,若升破79.60元,會推向82至86元,可以諗吓隻C輪16924。
隻輪現價9.3仙,2010年4月21日到期,行使價78.88元,溢價13.7%,引伸波幅39.7%,有效槓桿4.5倍,正股升上86元,15924睇14.5仙,正股跌穿74元,就沽咗隻輪止蝕。
俊樺