【本報訊】全國人大常委范徐麗泰昨日指摘烏魯木齊武警毆打本港記者的行為並不妥當，她將於下一次人大常委會會議反映問題。行政會議召集人梁振英亦譴責武警不應該亦沒有需要使用過度武力對付本港記者。
梁振英：應助新聞界
范徐麗泰昨出席馬會一項活動時稱，新疆武警的行為「係唔啱嘅」，並擬於下次人大常委會會議反映問題，「家大陸比以前開放咗，係有進步，不過我哋都仲係要畀啲時間佢哋。」上次人大常委會會議在8月舉行，下次會議將於10月舉行。
行政會議召集人梁振英表示，本港記者在新疆是合法及正常地作採訪報道，武警平亂時應給予新聞界方便而非過度使用暴力，「其實佢哋平亂嘅時候，係應該畀新聞界一啲方便，咁先可以將當地嘅情況如實咁向外反映，睇番新聞，雖然當時情況係有啲亂，但係武警嗰陣時唔應該亦冇需要使用過度嘅暴力對待記者。」他將繼續關注及跟進事件。
駐京辦繼續跟進事件
保安局局長李少光亦對事件表示關注，指新聞自由和資訊自由流通是香港的核心價值，因此政府當局對三位新聞從業員被毆打予以注視，他們已透過駐京辦向當局反映問題。他又對三位記者表示慰問，希望他們早日康復。
政制及內地事務局局長林瑞麟稱，行政長官曾蔭權已表達對事件非常關注，特區政府駐京辦亦已與北京和新疆相關部門聯繫，並繼續了解情況。