經過時間的洗禮，即使幾無知天真的女生都會有長大的一天。上季阿嬌一身堅強形象行出來為TOUGH做代言，有人受落又有人奚落，但前路都要走下去，加上今季Bauhaus強銷TOUGHJeansmith09秋冬季「NeverGiveUp」系列，難怪嬌姐舉手投足都流露出十足自信，依然咁硬淨，表現同樣「永不放棄」。睇嚟阿嬌可以改名叫做「鍾堅強」喎！
記者：葉雪芯
攝影：王文忠
Makeup：[email protected]
Hair：[email protected]
搶飯食做熟模
第二次擔正做代言的阿嬌，對於影Styling，坦言已經越來越駕輕就熟：「以前影Fashion，未熟習擺Pose，影得好慢，今季有得再影，返去做咗唔少功課，例如睇多啲時裝書、雜誌，學模特兒嘅姿態同眼神，所以今次影得自信好多，又快咗。」人生經歷過低潮，事業上又脫離了Twins的少女形象，阿嬌說未來想變得成熟、淑女一些：「以前比較喜歡着BaggieStyle，貪其夠舒服，不過人始終要長大，現在比較喜歡着裙和貼身的服飾，例如TightJeans、貼身長Tee配Leggings，甚至是五、六吋高的Platform高跟鞋。」秋冬不少人都會買大褸，但阿嬌反而鍾情皮褸：「因為夠百搭，Casual、斯文、Rock……好似襯乜都得，一件皮褸已經可以走天涯，所以我最捨得落本買皮褸。」阿嬌對時裝都有不少見解和風格，最近咁多新嘗試，唔知佢有無興趣試吓做埋Stylist呢？
TOUGHJeansmith毛毛領邊黑色皮褸$3,950
TOUGHJeansmith藍色貼身牛仔褲$795
堅強也要女人味
今季TOUGHJeansmith一改粗獷的中性味道，加入了不少女性化元素，例如秋冬皮褸配上毛毛領邊，頸巾就配上Lace花邊等。至於招牌牛仔褲就以貼身立體的剪裁做主打，偏向女性化，修飾腿部線條令雙腿更修長，還加上維多利亞式的車花。軍事元素向來是TOUGHJeansmith的焦點，今季大膽玩太空歷奇元素，外套、夾棉褸等加上帶軍事味的銀釦、口袋索帶、拉鏈等，還特別把闊身軍褲改成收身剪裁的CargoPants或Patchwork。
TOUGHJeansmith藍色洗水短身牛仔褸$1,195
TOUGHJeansmith墨綠色車線軍褲$950
預告自己也單飛
阿Sa單飛出碟，咁耐無開金口的阿嬌，也正式宣佈緊隨今年尾將推出個人大碟，可見阿嬌對自己嘅音樂事業都未放棄。TOUGHJeansmith亦千方百計與音樂結盟，今季以HOORAY為名，推出一系列以音樂元素為設計主題的Sharp色Tee及外套。HOORAY系列以着重誇張色彩的英倫NewRaveMusic元素作為設計重點，其中紅唇Monogram女裝外套及ShockingPink布章彩藍色男裝羽絨背心都是搶眼之作。
HOORAY螢光粉紅色鱗片圖案Zip-upJacket$750
Bauhaus（28916811）
銅鑼灣耀華街2號地下至3樓