【本報訊】「扣回鄉卡呢招好絕，中招嘅水貨客嗰日就唔使再做，如果我有急貨要送，就俾佢蹺起。」在深圳辦水貨集團的阿林（化名）直言，深圳海關扣起水貨客回鄉卡的招數狠辣，旗下有水貨客聲言要暫時「閉關」，但也有人表示會「頂硬上」。見慣風浪的阿林笑言，上有政策、下有對策，準備招攬大批「新血」帶貨，希望新面孔可成功闖關。
辦水貨集團10年的阿林自言，走水貨是一盤中港物流生意，其「業務」包括電子遊戲機、名牌打火機、金筆、名錶、燕窩、鮑魚及奶粉等，每名水貨客平均每日收入300多元。
「冇咁易俾關員認出」
阿林坦言不怕當局掃蕩，近日正積極想辦法反撲，雖然有「腳」（指水貨客）停工避鋒頭，但更多水貨客為了生活，甘冒風險闖關帶貨。他說已謀定後着，「搵多啲新人帶貨，送貴貨及急件就用新人，貪佢哋新面孔，冇咁易俾關員認出，其他貨就留畀舊人，咁大家都搵到食。」
不過前線水貨客則另有打算，專門帶維他奶飲品回深圳的水貨客阿關表示，若果不幸中招被扣證八小時，所賺水腳僅夠當日食飯錢，等如白做，因此決定停工放大假暫避鋒頭。