名人輩出嘅拔萃男書院11月會大事慶祝創校140周年，喜事臨近，好消息接踵而來。校長張灼祥噚日話早排有「飛來蜢」送上2,000萬元捐款，善長係一位50年代畢業嘅商人校友，因為唔想留太多錢畀仔女，所以回饋母校。張校長平時主動去搵校友捐錢，都好難有咁大數目，巨款送到上門，真係好開心。
除咗呢筆錢，張灼祥話之前已獲兩筆分別2,000萬元同1,000萬元大額捐款，捐款者都係商人，用嚟資助興建校內IB（國際教育文憑）大樓。呢幢新大樓建築費達1.7億元，目前籌到逾5,000萬元，雖然仲有一段距離，但張校長有信心籌夠數，所以即使已獲銀行批出過億元備用信貸額，都冇需借錢。